រដ្ឋមន្ត្រី​ក្រសួងអប់រំ និងបណ្តុះបណ្តាលវៀតណាម​ លោក Nguyen Kim Son បានស្នេីដាក់បញ្ចូលភាសាខ្មែរ ថៃ និងឥណ្ឌូនេស៊ី​ ក្នុងសាលារៀននៅប្រទេសវៀតណាម​ ក្រោយពីចាប់ផ្តើមបង្រៀនភាសាឡាវចាប់ពីឆ្នាំ ២០២៦ នេះ។ ដោយភ្ជាប់ជាផ្នែកមួយនៃកម្មវិធីបង្រៀនភាសាបរទេសសម្រាប់រយៈពេល ២០២៦-៣5 ដែលបានប្រកាសកាលពីចុងសប្តាហ៍មុន។ ក្រសួងនេះ​ គ្រោងនឹងដាក់ភាសាខ្មែរនៅឆ្នាំ ២០២៨ និងភាសាថៃ និងឥណ្ឌូនេស៊ី​ ពីឆ្នាំ ២០៣០ ដើម្បីជួយអនុវត្តកិច្ចព្រមព្រៀង​ ដែលវៀតណាមមានជាមួយប្រទេសជិតខាង។ រដ្ឋមន្ត្រីក្រសួងអប់រំ លោក Nguyen Kim Son បានលើកឡើងអំពីផែនការ​នេះ​ ក្នុងជំនួបពិភាក្សាកាលពីដើមខែមិថុនា​ ជាមួយលោក Khamphao Ernthavanh ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណៈរដ្ឋប្រជាធិបតេយ្យប្រជាមានិតឡាវប្រចាំនៅវៀតណាម។ គម្រោងនេះ​ នឹងត្រូវបានសាកល្បងនៅក្នុងតំបន់ជាប់ព្រំដែនឡាវ និងពង្រីកនៅពេលដែលមានគ្រូបង្រៀនគ្រប់គ្រាន់។ កែសម្រួលអត្ថបទដោយ៖​ កែវ​ មាស ប្រភព៖​ vnexpress international